Ömrün Payızında - Zara

Ömrün payızında sevdim, sevildim,

Elə bilirəm ki, ilk baharam mən.

Arxanca sürünən kölgənəm sənin,

Harda qərar tutsan, orda varam mən.

Mey olsan, yanında bir qədəh ollam,

Gül olsan, çətrini öpən şeh ollam.

Ot olsan, bir anda dönüb meh ollam,

Dağ olsan, zirvənə yağan qaram mən.

Başımı qoyaram gündə yüz kərə

Bir yol ayağını qoyduğun yerə.

Eşqindir ucaldan məni göylərə,

Bu eşqin gücünə minnətdaram mən.

Sevgiyə hədd qoymaq düzü günahdır,

Cahilin hər işi, sözü günahdır.

Eşqi günah saymaq özü günahdır,

Kim deyir eşqimdə günahkaram mən?

Özün bir aləmsən, eşqin bir aləm,

Sən olan könüldə nə kədər, nə qəm.

Sənsiz bu dünyanın ən bədbəxtiyəm,

Səninlə dünyada bəxtiyaram mən.

Ömrün payızında sevdim, sevildim,

Elə bilirəm ki, ilk baharam mən.

Arxanca sürünən kölgənəm sənin,

Harda qərar tutsan, orda varam mən.

Мей олсан, янинда бир кэдах оллам,

Gül olsan, çətrini öpən şeh ollam.

Ot olsan, bir anda dönüb meh ollam,

Dağ olsan, zirvənə yağan qaram mən.

Başımı qoyaram gündə yüz kərə

Bir yol ayağını qoyduğun yerə.

Eşqindir ucaldan məni göylərə,

Bu eşqin gücünə minnətdaram mən.

Sevgiyə hədd qoymaq düzü günahdır,

Cahilin hər işi, sözü günahdır.

Эшки гунах саймак озю гунахдир,

Kim deyir eşqimdə günahkaram mən?

Özün bir aləmsən, eşqin bir aləm,

Sən olan könüldə nə kədər, nə qəm.

Sənsiz bu dünyanın ən bədbəxtiyəm,

Səninlə dünyada bəxtiyaram mən.