Malafemmena - Patrizio Buanne

Si avisse fatto a n’ato

Chello ch’hê fatto a me

St’ommo t’avesse acciso

E vuó' sapé pecché?

Pecché 'ncopp'a 'sta terra

Femmene comm’a te

Nun ce hanna sta' pe' n’ommo

Onesto comm’a me…

Femmena

Tu si' 'na malafemmena

Chist’uocchie hê fatto chiagnere

Lacreme 'e 'nfamitá…

Femmena

Si' tu peggio 'e 'na vipera

Mm’hê 'ntussecato ll’anema

Nun pozzo cchiù campa'

Femmena

Si' doce comm’o zzucchero

Però 'sta faccia d’angelo

Te serve pe' 'nganná!

Femmena

Tu si' 'a cchiù bella femmena

Te voglio bene e t’odio:

Nun te pozzo scurdá…

Te voglio ancora bene

Ma tu nun saje pecché…

Pecché ll’unico ammore

Si' stato tu pe' me!

E tu, pe' nu capriccio

Tutto hê distrutto oje né'…

Ma Dio nun t''o pperdona

Chello ch’hê fatto a me…

Femmena

Tu si' 'na malafemmena

Chist’uocchie hê fatto chiagnere

Lacreme 'e 'nfamitá…

Femmena

Si' tu peggio 'e 'na vipera

Mm’hê 'ntussecato ll’anema

Nun pozzo cchiù campa'

Femmena

Si' doce comm’o zzucchero

Però 'sta faccia d’angelo

Te serve pe' 'nganná!

Femmena

Tu si' 'a cchiù bella femmena

Te voglio bene e t’odio:

Nun te pozzo scurdá…